حملة جمع العسل لصالح أطفال مركز الاورام

السلام عليكم ورحمة الله وبركاته

لما الاطفال الملايكة تستغيث تفتكروا بتقول ايه ؟؟
ارحمونا ؟؟
ساعدونا؟؟
الحقونا ؟؟

لا لا لا لا لا لا لا لا لا

بيقولوا بس كلمة واحدة
أأأأأأأأأأأأأأأأأأأه
أأأأأأأأه بتوجع اوى
أأه بتطلع من جوة القلب
من قلب الالم

أأأأأه لو سمعتوها متاكدين انها هتوجعكم اوى
وهتحسوها اوى

طيب احنا ردنا هيكون ايه ؟؟

الاطفال دول مصابين باورام خبيثة او سرطان الدم او سرطان الجلد
اكبرهم ممكن لايتعدى ال12 سنة
الاطفال دول ملائكة الرحمان فى الارض
الاطفال دول ممكن يكونوا ولادنا
اخواتنا
او قرايبنا

المرض ابتلاء من ربنا عز وجل ممكن يصيب اى حد فينا
وربنا يعافى الجميع

طب نلحق ازاى الحالات دى؟؟ .. ازاى نكون سبب فى شفاء اى حاله منهم؟؟ .. اوعلى الاقل تقدم الحاله فى مستوى العلاج ؟؟
تعالوا نفكر مع بعض .........

ممكن نجيب لهم حاجه مهمه اوى و بيحتاجوها دايما ومفيش غنى عنها فى العلاج ده .. لانها بتعوضهم كرات الدم اللى بيفقدوها ..

الحاجه دى هى العسل .. ايوه .. العسل الابيض .. اللى ربنا (سبحانه وتعالى) قال عليه فى كتابه العزيز :
بسم الله الرحمن الرحيم (شراب مختلف ألوانه فيه شفاء للناس(( صدق الله العظيم

تخيلوا لما ندفع 11 جنيه بس علشان نجيب نص كيلو عسل .. وبالمبلغ البسيط ده بنساعد -بعد ربنا سبحانه وتعالى- على تحسين حاله طفل و زوال مرضه بإذن الله ..
بالعسل الابيض؟؟؟؟؟؟

════════════════════
ايوه بالعسل الابيض اللى كلنا بنحبه ده
ماتتخيلوش اهميته قد ايه بالنسبه لهم والله .. انا برضه فى البدايه ماكنتش متخيله .. بس فعلا كلنا لما شفنا واقع قدام عينينا حسينا قد ايه اهميته كبيره ..
كفايه انه بيعوضهم كرات الدم اللى بيفقدوها ..

عارفين يعنى ايه طفل بيفقد كرات دم؟؟ .. وعنده كمان سرطان؟؟ ..
يعنى مناعته بتقل .. وبالتالى مقاومته للمرض كمان بتقل .. و .............. يتوفى ...
تخيلوا لما طفل يتوفى بسبب عدم توفير العسل اللى هو محتاجه !! .. تخيلوا حال اهله يبقى عامل ازاى ؟؟ ..

مع العلم ان اهله دول ناس على قد حالهم ومش بيبقوا قادرين يوفروا له كل اللى بيحتاجه ..

طيب احنا رحنا فين بقى ؟؟ ..ما إحنا والحمد لله قادرين وممكن نوفر لهم كل اللى هم عاوزينه

════════════════════

لأ وكمان العمل الرائع ده بيدوم لكل اللى عملوه فى الدنيا والاخره .. بنتعاون عليه كلنا فى الدنيا .. وبسببه بنتجمع فى الاخره ..

وده مش كلامى انا .. ده كلام ربنا سبحانه وتعالى فى كتابه العزيز
بسم الله الرحمن الرحيم : ((وسيق الذين اتقوا ربهم إلى الجنة زمرا)) صدق الله العظيم
يعنى كلنا هانبقى مجموعه واحده وكلنا ندخل الجنه مع بعض؟ .. ايوه بالضبط كده ان شاء الله
لاننا عيشنا ايد واحده فى الدنيا وهانفضل بعون الله ايد واحده فى الاخره كمان

والله ده احلى احساس ممكن اى انسان يحسه .. أنا نفسى كلنا نحس الاحساس ده .. عاوزه كل انسان مسلم موحد بالله يدخل ويقول "عاوز ابقى معاكم"
عاوزه كلنا نتجمع يوم القيامه مع بعض خلف رسولنا الكريم (صلى الله عليه وسلم) اللى بإذن الله هايكون فخور بينا و باللى عملناه من بعده ..

ها ؟؟ .. مين اللى اتحرك فى قلبه الخير ؟؟ .. مين عاوز يبقى معانا ؟؟ .. مين عاوز ياخد ثواب يدخل بيه الجنه ؟؟ .. مين هايضم صوته لصوتنا ؟؟ .. مين هايكون إيجابى بمشاركته لنا ؟؟ .. مين هايدخل بعدى ويقول ..
(عاوز اعمل خير) ..

عايزين شعارنا الفترة الجاية يكون....
قطرة عسل= ضحكة طفل
ضحكة طفل = الجنـــــة

════════════════════
للاستفسار
.. أ.أسامة ناصف
0109441749

د/ خالد علي
0122897989

بالنسبه للبنات يبعتوا لى رسايل خاصه وان شاء الله انا اتواصل معاهم

وانا كمان عاوز اعمل خير
════════════════

ربنا يشفيهم يارب يا كليفر
ويجزيكي خير إنتي وكل إللي بيساعدهم ويجعله في ميزان حسناتك

ااااااااااااااااااااامين يارب
بس انتى مش ناوية تساعديهم ولا ايه يا جومانا؟؟؟؟

في ميزان حسناتك ان شاء الله ياكليفر

واكيد كلنا هنحاول نساعدك علشان نعمل خير

وربنا يجازيكي كل الخير ان شاء الله

بالعكس والله أنا من الصبح وأنا ببعت لكل إللي أعرفهم علي الإيميلات الموضوع وبنشر فيه
وأي حد بشوفه بقوله

انا في السعودية اعمل الزاي

وانا كمان عايز اعمل خير

nona كتب:: في ميزان حسناتك ان شاء الله ياكليفر

واكيد كلنا هنحاول نساعدك علشان نعمل خير

وربنا يجازيكي كل الخير ان شاء الله

ياااااااااااااااااااااارب يجعله فى ميزان حسناتنا كلنا ان شاء الله
وياريت يا جماعه
على فكره انتوا مش بتساعدونى انا
انتوا بتساعدوا اطفال بجد يستاهلوا اننا نساعدهم
احنا لسنا الا مجرد وسيله مش اكتر
ياريت لو عوزتى توصلى لاى حاجه يا نونا ابعتى لى وان شاء الله نتواصل مع بعض

JOMANA كتب:: بالعكس والله أنا من الصبح وأنا ببعت لكل إللي أعرفهم علي الإيميلات الموضوع وبنشر فيه
وأي حد بشوفه بقوله

جزاكى الله كل خير يا جوجو
ان شاء الله يارب الناس تستجيب
وانتى كمان تيجى بقى معانا مره وتقدمى تبرعات بنفسك لكل اللى انتى عاوزاهم
والله نفسى اوى

@ال@سا@هر@ كتب:: انا في السعودية اعمل الزاي

وانا كمان عايز اعمل خير

ممكن حضرتك تتواصل مع استاذ اسامه ناصف
او دكتور خالد على
عن طريق التليفون
ولو حضرتك عاوز تبعت تبرعات يبقى ممكن تبعتها عن طريق البنك لحساب شخصى لاى حد معانا فى الجروب
لو حضرتك اتواصلت معاهم ان شاء الله هم هايقولوا لك كل التفاصيل
وربنا يجازيك خير

كليفر انتي جيتي في وقتك احنا وزاميلنا كنا بنفكر في موضوع زي ده نعمل حفله بسيطه ونسعدهم واحنا مره عملنا الحفله ده في معهد الاورام وكانت جميله فردي عليا في الموضوع ده

هو انت يا زيكو من القاهره صح؟؟؟
انا بتكلم عن المنصوره
هو احنا بنعمل لهم حفلات لكن فى مركز الاورام اللى فى المنصوره
وفرع القاهره بتاعنا برضه بيعمل لهم وفى كمان متبرعين بالدم ومنظمين للحفلات
لكن الاهتمام الاكبر عندنا بمركز الاورام اللى فى المنصوره لانه مهمل الى حد ما

لكن دى حاجه جميلة انك انت واصحابك تعملوا زياره وحفلات هناك
اهم حاجه انكم تحطوا بروجرام معين للحفله ويكون فيها نظام علشان تقدروا تسعدوا الاطفال

وعلى فكرة فى لينا نشاط يوم 14/8/2009
فى نادى نقابة المهندسين فى القاهره
هايبقى يوم مع المسنين ان شاء الله
لو حبيت تشارك فيه قولى وانا ابعت لك ارقام المتطوعين اللى فى القاهره وتتواصل معاهم وتشارك فى اليوم

الخير يا كليفر انشاء الله لو كان في الصين بعدين النصوره مش بعيده اوي يعني 2 ونصف بالكتير وشوفي انتي لو هتعملي ايه في موضوع الايتام وانا تحت امرهم في اي وقت يا كليفر وهيا طبعا الحفله هتبقي معموله علشان الاطفال وهيبقي ليها طبعا نظام تاني وده كله ثواب عند ربنا وربنا يوفقك في عملك يا كليفر

شكرا يا زيكو على اهتمامك
ربنا يجعل نيتك لعمل الخير فى ميزان حسناتك
وان شاء الله تقوم بأعمال خير كتير

بالنسبه لنشاطاتنا
فإحنا بجانب حمله العسل اللى فى التوبيك وتجميع شنط رمضان
فى نشاطين لنا مختلفين
واحد فى القاهره وواحد فى المنصوره

اللى فى القاهره يوم الجمعة الجاى ان شاء الله
يوم 14/8 خروجه مع المسنين فى نادى نقابه المهندسين بالزمالك - شارع ابو الفدا

للاستفسار
مهندس/ ســــامـــح 0104928575
استاذ/ محـــمــــد وفــا 0116879614

فى المنصوره
يوم السبت 15/8
حفلة فى مركز الاورام بالمنصوره
العنوان
شارع جيهان-مستشفى الطوارئ-بوابه العيادات الخارجية
التجمع فى الدور الارضى فى المركز الساعه 11 صباحا

للاستفسار
استاذ/ محمود الخليجى
0108531134

ونتمنى انك تشاركنا فى نشاطاتنا انت وكل محبى الخير سواء الاهل او الاصدقاء او المعارف
وربنا يجازيك كل خير