قصة حياة المنتدي

حبايبي وإخواتي جميع أعضاء وعضوات منتدي أبعد من النجوم

في البداية أحب أرح بيكم في بيتكم التاني وسط إخواتكم

فكرة التوبيك إني هكتب قصة حياة المنتدي من أول يوم إتعمل فيه حتي الأن

فكرة إنشاء منتدي جت في دماغي أولا

كان نفسي يكون فيه مكان أتجمع فيه أنا وصحباتي نتعلم فيه شوية من عالم النت

فطلبت من نونا تعمل بحث علي النت وتشوف المنتدي بيتعمل إزاي

لأنها كانت أكتر خبرة مني في النت

وبالتحديد يوم 18 /2 /2008 نونا أسست المنتدي فعلا

وقاليتلي بعدها بيوم

نونا لما عملت المنتدي كان إسمه منتدي أحلي بنات تقريبا مش فاكرة أوي

وكان للبنات فقط

وسيبنا المنتدي مهمل لمدة طويلة جداااااااااااااااااااااا علي حاله ومكناش بنعمل فيه أي تجديدات خالص

وفي وقت معين مش فاكرة إمتي بس تقريبا كان شهر 5 بقيت أنزل فيه توبيكات

وفضلت كده لمدة طويلة شهر ونص تقريبا

وبعدها فصلت النت لمدة شهرين

وطبعا بقيت مدخلش المنتدي خالص

فكرنا أنا ونونا نغير إسم المنتدي ونعمله منتدي عام بنات وولاد يعني

طبعا نونا قامت بالمهمة دي وغيرت إسم المنتدي للإسم الحالي

منتدي ابعد من النجوم

كان عدد الأعضاء في الوقت ده 6 أعضاء

وفي يوم 15 /8 بالتحديد رجعت النت تاني

وبدأت أدخل لوحة الإدارة وأغير في المنتدي

لدرجة إني حذفت كل الأقسام وعملتها من أول وجديد بالشكل الموجود حاليا

ركبت إستايلات كتير وغيرت فيها

وبدأت أبعت دعاوي لأعضاء في أماكن تانية للإشتراك في المنتدي

كان الكلام ده في أول شهر 9

جلنا أعضاء جداد والمنتدي بقي يكبر كل يوم عن اليوم إللي قبله

بجد كنت فرحانة جدااااااااااااااااااااا

ودلوقتي المنتدي يوم 16 /2 /2009 أصبح عدد أعضاءه 109 عضو

يعني في 5 شهور زاد عدد أعضاءنا من 6 إلي 109 عضو

وغير كده فيه ترابط وتواصل جميل بين كل الأعضاء

وده إللي كنت بتمناه بجد

وبس كفاية كده أنا قولت تقريبا كل حاجة عن المنتدي

أتمني من كل قلبي إننا نفضل إيد واحدة ديما والمنتدي يفضل مجمعنا

إحنا هنا كلنا إخوات مش عوزين نسيب بعض ولا نسيب المنتدي

سلامي لكل من مر علي التوبيك وقرأ كلماتي

:Go: الى الامام يارب ويوفكك فى كل عملك

كل سنة ومنتدي أبعد من النجوم عالي وجميل ومجمعنا كلنا شكرا يا توته علي التوبيك وشكرا انك عرفتيني علي المنتدي

ممتاز والله يا جوما

أنا كنت من 6 الأعضاء الأولينين دول

وإن شاء الله المنتدي هيفضل مجمعنا علي الخير

هنفضل كلنا فيه باذن الله وهيزيد كمان
وبجد انا كمان فرحانه اوى بالمنتدى
ويارب نفضل كده دايما

يارب يا جماعة

أنا حاسه والله بؤلفة جامدة بينا
وفعلا المنتدي هنا مختلف عن منتديات كتير علي النت
فيها أعضاء بالألاف بس محدش يعرف حد ولا فيها مواضيع زي المواضيع بتاعتكوا

ميرسي جومانة على القصة
احنا فعلا في الاول تعبنا جامد فيه اوي
وفي الاول مكناش عايزين اي اختلاط علشان المشاكل اللي بتحصل بين الاعضاء
بس الحمد لله الولاد اللي معانا بجد محترمين جدا
وزي اخواتنا

شكرا يا نونا علي الشهادة بتاعتك
ربنا العالم إني بعاملكم كلكم زي ميرنا ويمكن أحسن
أنا بحس إني أخوكم الكبير

والرجالة هنا كلهم تمام

مرسي يا جماعة علي الكلمات الحلوة دي

وإن شاء الله المنتدي هيكبر أكتر وأكتر طول ماإحنا بنخاف علي بعض ونعامل بعض بروح الإخوة

كل سنة ومنتدي أبعد من النجوم جميل

رائع جومانه
الى الامام دائما

مرسي ليكوا كلكوا
المنتدي هيبقي أحسن بوجودنا كلنا فيه

انا خايف بالقصه ده تبوظوا علي برنامج الحلم

انا بهظر بجد المنتدي جامد موووت وانشاء الله في تقدم وانا يشرفني اني اكون فيه

وإحنا يشرفنا إنك تكون أخونا وتكون واحد مننا
ويالا وروني الهمة يا أعضاء عوزين شغل جاااااااااااااااااااااااااامد

الله يباركلك فى ها المنتدى واتمنى استمرارة بافضل حال

قول يارب

انا سعيد جدا بالموضوع ده ويارب يبقى المنتدى زى مابتتمنى

انا بحبكم اوى وحاسس انى بين اخواتى والله وعلى فكره انا عندى منتدايا الخاص بس انا بحب اشترك معاكم لانى بحبكم فى الله

إحنا كمان سعداء بوجودك معانا يا عاشق القلوب

بسم الله الرحمن الرحيم

والله يا اخوان المنتدى حلو ورائع

بس بما انه انا متعود على الستايل العادي للمنتديات

تغلبت لما دخلت وتجولت فيه

هو مش تغلبت كثير بس شوي عشان ستايل منتداكم مختلف عن المنتديات الاخرى

بس حلو وناعم وزاكي وابن حلال

يعطيكوا العافية احلى شبيبة

تقبلوني صديق المنتدى الدائم باذن الله

أهلا وسهلا بيك في المنتدي نورتنا
ومرسي علي إختيارك لمنتدانا لتكون أخ لينا فيه
وإن شاء الله تستمتع بوقتك معانا وفي إنتظار موضوعاتك