لو عاوزين تعملوا خير تعالوا معانا اليوم ده

السلام عليكم ورحمه الله وبركاته

ازيكم يا شباب وبنات؟؟؟؟؟؟
عاملين ايه؟؟؟؟؟
يارب تكونوا بخير

طبعا كلنا عارفين يوم اليتيم
اللى هو بيحتفلوا بيه فى اول جمعه فى ابريل
وفعلا تم الاحتفال بيه فى مناطق كتيييييره اوى فى كل مكان فى مصر
لكن للاسف ظروف الدروس مكانتش سامحه لى بحضور اى حفله منهم

والحمد لله لقيت حفله احضرها
لان الجمعيه اللى كانت عملت يوم الجمعه اللى فاتت حفله كانت عاملاها فى الاستاد وكانت لـ500 طفل
فمش كل الاطفال اخدوا الرعايه الكامله والاهتمام اللى هم عاوزينه
يعنى كان العدد كبييييييييير اوى

فالجمعيه قررت انها تعمل حفله تانيه ان شاء الله يوم الجمعه الساعه 10 صباحا
الحفله هتكون فى نادى المهندسين اللى فى طلخا
وهتكون الحفله لـ50 طفل بس
ياريت اى حد عاوز ييجى ييجى ويجيب معاه اصحابه او قرايبه مفيش مشاكل خالص
المهم اننا نسعد الاطفال دول فى يومهم
انا ان شاء الله هروح انا واصحابى
اتمنى انكم تروحوا انتوا كمان

ودى رساله الجمعيه للاعضاء فى الفيس بوك

السلام عليكم ورحمة الله وبركاته
══════════════════

بصراحة اليوم الأول للطفل اليتيم اللي عملناه في الاستاد مع دار الأورمان
كان زحمة اوي
عملنا حفلة ل 500 طفل
بس مش كلهم فرحوا نفس الفرحة الي كان نفسنا فيها

علشان كدة فكرنا نعمل يوم تاني أجمل من اليوم الأولاني
يوم مع 50 طفل
فيه

0- استقبالهم بالورود وبونبوني ترحيبا بيهم
1-مسرح عرايس+ أراجوز
2-تقليد مشاهير
3-أغنية رائعة من طفلتين توأم..من دار رسالة للحالات الخاصة
4-الرسم على وجوه الاطفال
5-الكاراتيه .. الفقرة المحببة لنا جميعا
6- ألعاب تفاعلية مع الأطفال..تخاطب عقولهم وتستفز ذكاءهم..حتى لا يكون متلقيا فقط
7-الملاهي في النادي

وجاري تجهيز فقرات أخرى إن شاءالله

════════════════════════

المكان: نادي المهندسين بالمنصورة
الزمان: يوم الجمعة 10 أبريل إن شاءالله
الساعة العاشرة والنصف صباحا

════════════════════════

تقدر تساعدنا بايه؟
════════
1-ألوان للرسم على الوجوه؟
2-بسكوتات وعصائر؟
3-ألوان عادية وكراسات رسم؟
4-بلالين وزينة؟
5-حلويات؟
6-تنشر الموضوع..مش هياخد منك دقيقة؟
════════════════════════

وده لينك الانفيت على الفيس بوك

https://www.facebook.com/event.php?eid=55461909301

وده لينك الجروب بتاعهم

https://www.facebook.com/event.php?eid=55461909301#/group.php?gid=31660868798

ياريت تشاركونا فى اليوم ده علشان نسعد الاطفال دول اللى يستاهلوا فعلا اننا نخصص لهم جزء من وقتنا علشان نعمل لهم اللى نفسهم فيه

يااااااااااااه انتى جميلة اوى يا كليفر..
ياااااااااااااااااااااااااااااارب وياريت اقدر اجى معاكو....بس بجد هحاول كده اخد الاذن من بابا وهشوف.....ويارب يوافق.
تسلمى يا قمر على التوبيك وعلى مجهودك.....

حلو يكون عندنا رو المساعدة للأطفال دول لكن من وجهة نظري أنا بعترض إن يكون فيه حاجة إسمها يوم اليتيم إحنا كده في اليوم ده بنزلهم ونعايرهم
المساعدة والعطف يكون طول السنة مش مجرد يوم واحد بس
وبشكرك يا ليفر إنك عوزه تساعديهم ربنا هيساعدك بقدر نيتك وعملك للخير
وهحاول أرح بإذن الله ولو مرحتش اليوم ده السنة طويلة جداااااااااااااااااا نروح بدل المرة 10 ولا 20

yoyo.m كتب:: يااااااااااااه انتى جميلة اوى يا كليفر..
ياااااااااااااااااااااااااااااارب وياريت اقدر اجى معاكو....بس بجد هحاول كده اخد الاذن من بابا وهشوف.....ويارب يوافق.
تسلمى يا قمر على التوبيك وعلى مجهودك.....

ربنا يخليكى يا يويو
بجد انتى الاجمل
ياااااااااااااااااااااارب باباكى يوافق وتعرفى تيجى ان شاء الله
بيتهيألى دى مش حاجه اهلنا بيمانعوا فيها بالعكس انا عندى مشجعيننى جدا انى اروح
وانا عماله اشجع اصحابى كمان
ان شاء الله يبقى يوم جميل
وياريت تنورينا فى النادى ان شاء الله

الباشا تلميذ كتب:

والله انا معاك يا باشا برضه فى حكايه التسميه دى
لانى بحس برضه ان اسم اليوم ده بيفكرهم باللى هم اتحرموا منه
بس للاسف كلنا عارفين اليوم ده بإسمه كده
وربنا يقدرك وتيجى ان شاء الله
تنور يا باشا
وربنا يقدرك على فعل الخير

بجد مهما شوفنا حولينا من حاجات صعبة وسيئة بس هيفضل دايما جوانا الخير طول ما في ناس زيكم كده اتمني اني اقدر اجي شكرا يا كليفر

ربنا يخليكى يا وينى
ويقدرنا كلنا على فعل الخير
ويارب نشوفك هناك ان شاء الله

على فكره يا جماعه فى نقطه معلش موضحتش فى التوبيك
ان شاء الله اعضاء الجمعيه هيتواجدوا من الساعه 10.30 فى النادى
علشان التجهيزات والزينه والتنظيم وكده
ولو انتوا عاوزين تيجوا تشاركوا فى التجهيزات تشرفواااااااااا
انا شكلى كده هروح من الاول ان شاء الله
اما الاطفال وبدايه الحفله فهى هتبقى الساعه 1 بعد صلاه الجمعه باذن الله
ومعلش اذا مكنتش وضحت النفطه دى فى التوبيك
وياريييييييييييت تيجوا

معلش أنا مش هقدر أجي لأني مش هقدر أشوفهم خالص بيصعبوا عليا جدااااااااااااااااااااا
وربنا يقدرنا كلنا علي فعل الخير

ليه يا جومانا؟؟
دول يستاهلوا بجد اننا نروح لهم
دى مسحه على راس اليتيم منهم بحسنات كتييييييييييييييير جداااااااااااااااااااااااا
فكرى فى موضوع الثواب اللى هتاخديه لما تسعديهم واكيد تفكيرك هيتغير
هم اه حالهم بيبقى يصعب على اى حد
بس برضه لازم نجمد قلوبنا شويه ونحاول نشوفهم علشان نسعدهم
ولا اييييييييييييييييييه؟؟؟؟؟؟

بجد يا جماعه كان يوم تحففففففففففففففففففففه والله والاطفال اتبسطوا واحنا كمان اتبسطنا
وكان فعلا زى ما قال منشئ الجمعيه يوم يتضرب بيه المثل فى العمل الجماعى
بجد كلنا كنا شغالين فى اليوم ده مع الاطفال واعتبرناهم اخواتنا الصغيرين
كان ناقصكم اليوم ده والله
ده بيتهيالى احلى يوم فى حياتى ومش هقضى احلى منه
نفسى افرجكم على الصور وعلى الاطفال
لو حد عاوز يتفرج على الصور يكتب لى بس هنا فى التوبيك وانا احط لكم لينك الصور اللى على الفيس بوك
بجد انا كان نفسى حد منكم يشرفنا اليوم ده لانه احلى يوم قضيته فى حياتى
وبيتهيالى كمان احلى يوم قضوه الاطفال وانا سالت حبه منهم وقالوا لى ان ده احلى يوم اتعمل لهم
يااااااااااااااااااارب تقبل منا يارب
واى حد عاوز ينضم للجمعيه اهلا وسهلا بيه
هى فى المنصوره يعنى متخافوش

بصي يا كليفر هم بيصعبوا عليا أوي مش بقدر اشوفهم بحس إنهم منكسرين وغلابة كده حتي لما بيفرحوا
أنا بحب أساعدهم بس من بعيد لبعيد وبنت خالي كتير بتجبلي صور ليهم وفيديو وتخليني أتفرج عليهم بس والله مش بقدر
ربنا يقدرك يا رب علي فعل الخير ديما وإن شاء الله هحاول أكون معاكوا في الجمعية دي بس بلاش اقابلهم

بصى يا جومانا
والله انا كان بيتهيألى ان الموضوع برضه صعب عليا
لانى كنت زيك كده مش بقدر اشوفهم
بس انا اتشجعت واخدت خطوه جريئه قلت انا لحد امتى بقى هفضل كده؟؟
وبجد متتخيليش فرحتنا كلنا لما ركبنا معاهم الالعاب واكلناهم وبقينا احنا اللى بنرسم لهم البسمه على وشهم
بجد شعور حلو اوووووووووووووى والله
ياريت تكونى معانا والله ده يبقى شرف لينا
وتاخدى خطوه حلوه كده وتشوفيهم وتقابليهم وكل حاجه بتيجى بالتدريج
لو عاوزانى اوريكى الصور قوليلى
لو مش عاوزه براحتك
ميرسى على ردك
وربنا يقدرك على فعل الخير انتى كمان يا توته

شكرا على موضوعك الرائع وكلامك الجميل ربنا يخليكى وتحبى الخير دايما

انا بتمنى اكون معاكم بس انا للاسف ممنوع من نزول مصر وباقى ليا سنه عشان اقدر انزل مصر
ربنا يوفقكم يارب